ختم نبوتکیا امام مہدی رضی اللہ عنہ پیدا ہونگے؟ - (مفتی انتظار حسین مدنی کشمیری)
استفتاء:
کیا فرماتے ہیں علمائے دین و مفتیان شرع متین اس بارے میں کہ کچھ لوگ کہتے ہیں کہ امام مہدی
کربلا میں موجود تھے اب قیامت کے قریب ظاہر ہوں گے تو سوال یہ ہے کہ امام مہدی پیدا ہوں گے یا پیدا ہو چکے ہیں ؟
User ID:الموت
الجواب:
بسم الله الرحمن الرحيم
الجواب بعون الملك الوهاب اللهم هداية الحق والصواب
اس بارے میں حکم شرع یہ ہے کہ امام مہدیپیدا ہوں گے اور حسنی ، حسینی سید ہوں گے ۔ رسول اللہ ﷺنے فرمایا: دنیا ختم نہ ہو گی حتی کہ عرب کا بادشاہ ایک شخص بنے گا۔ جو مجھ سے یا میرے گھر والوں سے ہے اس کا نام میرے نام کے موافق اور اس کے باپ کا نام میرے والد کے نام کے موافق ہو گا وہ زمین کو عدل و انصاف سے بھر دے گا جیسے وہ ظلم و زیادتیوں سے بھری تھی۔1
اس کے تحت مرآۃ المناجیح میں ہے: حضرت سیدنا امام مہدی کا نام محمد اور آپ کے والد کا نام عبد اللہ ہو گا جیسا کہ حدیث پاک میں اشارہ ہے۔ اس حدیث پاک سے یہ بات بھی واضح طور پر معلوم ہوئی کہ حضرت امام مہدی ابھی پیدا نہیں ہوئے بلکہ پیدا ہوں گے نیز ان کے والد کا نام عبد اللہ ہو گا نہ کہ امام حسن عسکری۔2
اسی میں ہے : امام مہدی والد کی طرف سے حسنی سید ہوں گے، والدہ کی طرف سے حسینی، آپ کے اصول (یعنی ماں، دادی، نانی وغیرہ اوپر تک) میں کوئی والدہ حضرت عباس کی اولاد سے ہوں گی لہٰذا آپ حسنی بھی ہوں گے حسینی بھی اور عباسی بھی۔ اس میں اُن لوگوں کا رد ہے جو کہتے ہیں کہ محمد ابن حسن عسکری امام مہدی ہیں وہ غار میں چھپے ہوئے ہیں کیونکہ وہ حسینی سید ہیں حسنی نہیں۔3
واللہ اعلم عزوجل ورسولہ اعلم صلی اللہ علیہ والہ وسلم
کتبہ :انتظار حسین مدنی کشمیری عفی عنہ
22 ربیع الثانی 1445ھ 7 نومبر2023ء
